preskoči na sadržaj

Osnovna škola Matije Vlačića Labin

 > Naslovnica
OGLASNA PLOČA

JEDON LEPI DON NA KAMPANJE OD ODORI

Autor: Sanja Škopac, 28. 5. 2016.

Petak, 27. maja 2016. leta...Na nebe sunce, nidere nanke oblacića. Provi don za jedon moli vijac. A kamo??? Ma mi si vajka nešto spensomo!!! smileysmileysmiley

Ova put gremo va Brovinje, na imonje lavande fameje Dobrić. Ova put to je prova mola đita, perke gremo z korijero.

Naši kogeti, teta Mare i barba Mićo so nan i obed raneje parićali, se da rivomo na korijero (puno njin fala na temu).

Samo da van recemo da nesmo mogli docekat korijero, nikad kraja da pride. Ma, le je rivala. Lepo smo se nakrcali nonjo i portili prema Brovinju. Va Viškovići na štacijone doceka nas je Damir Dobrić, otac naše Karle. Hodeć smo se zaputili do naše štorije pune odori, do profumane kampanje. I najzod, rivali smo. Tamo nas je pod lumbrelinon doceka pun stol freške pijače, angurija i đelato... Ne robi gonat, morali smo se zajno malo okrepit, perke mi smo prišli z dugega vijaca, z Labina smileysmileysmiley

Oooo, vaaaaa...Sada smo već mogli poć napred i anke co delat, co pošpijat...Barba Damir nan je pokozo pijanti lavande, špjego nan je koko i ca se od nje se dela.  Karlin nono Đino nan je pokozo koko se lavanda žanje z srpon i koko je robi vezat va snopi. Sada još ni štajon od tega, ali on nan je se lepo špjego. Videli smo ulike ke cvatejo, drevo nara, dreva višnje keh smo i malo šćofali (ni non portalo ca još neso zrele), provali nektar od rožicah kuša...

I ca, opet smo bili lašni, trudni, žedni...Opet smo se morali malo okrepit smileysmileysmiley

A za to, poškrbe se je ženski parat fameji – Karlina mama, nona i cija. One su  nas nahronile koko da smo celi don želi i slogali snopi lavandi.

To su van ženske i pol. smileysmileysmiley

Prišlo je vreme za se igrat i za malo kreativno delat. Barba Damir nan je pokozo koko se pune vrećice z lavando, koko hi vezat da cvet ne pade vonka...Alora, malo smo i mi delali. Na vrećico je saki napiso svoje prvo slovo imena, ma na glagoljici. Te smo si profumane vrećice zeli doma. Ali, ne samo te. Dobili smo mi još jeno za regol, onako koko to dela fameja Dobrić – za spomen na lepi don va lepemu kraju, z dobri ljudi...

Malo trudni, malo pretepljeni od sunca, malo žalosni ca je se to toko vreda finilo, nakrcali smo se na korijero i tornali va Labin.

Dragi barba Damir, Vami i Vašoj fameje VELO, VELO fala na semu – ca ste imo lazno za nas i zvo nas na Vaše imonje, ca ste nan cuda tega pokozo, špjego i štabelo nas mantinjo.

Fala Van od srca!

A seh nas, ova lepi odor lavandi va vrećice, spametit će nas na Vas i na si lepi hipi keh smo imeli na imonju Dobrić.

                                    deca 3.grupi Produženega boravka i maještra Marijana

 

           








Zelenice 4

855-488

ured@os-mvlacica-labin.skole.hr

 

  NA VRH  

 

Zelenice 4

855-488

ured@os-mvlacica-labin.skole.hr

 

 

Upis u prvi razred osnovne škole - Zavod za javno zdravstvo Međimurske  županije

 

Sandučić Hvalibaba i Tužibaba

 

ŠKOLSKA LIJEČNICA

- naručivanje pacijenata

 
Grad Labin
Ministarstvo znanosti i obrazovanja - Naslovna

 

  NA VRH  

 

 

"Nova mora moći ćeš otkriti tek kad stekneš dovoljno hrabrosti da iz vida izgubiš obalu."

nepoznat autor

 

Labin vrijeme

 
Brojač posjeta
Ispis statistike od 1. 9. 2023.

Ukupno: 22001
Ovaj mjesec: 3346
Ovaj tjedan: 560
Danas: 87
 
 

Mrežnu stranicu uređuju

Iva Sergo, psihologinja

Višnja Faraguna Jerman, učiteljica

 

Objave vijesti

učitelji, stručni suradnici, tajnica

 
 > Naslovnica
CMS za škole logo
Osnovna škola Matije Vlačića Labin / Zelenice 4, HR-52220 Labin / www.os-mvlacica-labin.skole.hr / ured@os-mvlacica-labin.skole.hr
preskoči na navigaciju