MI NISMO MAŠKIĆI – MI SMO MIŠICE I MIŠI
Autor: Sanja Škopac, 1. 3. 2017.
Va subotu, na 25. febraja deca i maještri Produženega boravka bili smo va maškaranoj povorki ku je i ovega leta parićala Labinjonska kompanija domoća folšarija. Portili smo od pjacala na Katurah i prošećali se do Zelenicah, kede smo semi prežentali našo kompanijo „Kad moška ni – miši kolo vode“ A koko smo se prežentali?!? Vero, voko... MIŠICE I MIŠI SMO VAN MI, OD MOŠKA NANKE MALO STROH NAS NI. KOKO ZA VA DIZNILEND SMO SE PARIĆALI, A OD VLAČIĆ ŠKOLI SMO RIVALI. MALO ĆEMO TONCAT, MALO ĆEMO NORIT I CELI SVET Z NAMI CA GODAR ĆE BIT. KAD MOŠKA NI, MIŠI KOLO VODE TAKO JE, GONOJO, OD VAJKA VA MODE. ZATO, JEDON, DVO, TRI... HOMO TONCAT SKUPA SI!!! I, ne robi gonat... Za kroj smo zatoncali si skupa, koko jedon... Ma propjo nan je bi lepi ta subotnji don!!! mišice i miši Produženega boravka
